Fjallaferðir

Sumar af mínum bestu upplifunum eru tengdar fjallaferðum. Bæði að sumri og vetri.

Í morgunsárið í gær var til dæmis stórkostlegt að horfa til fjallanna og láta sig dreyma um að vera á ferðinni á Langjökli og Skjaldbreið  freistaði líka.  EN miðað við hvernig veður er búið að hegða sér í allt haust og vetur þá var draumurinn nóg fyrir mig.  Af fenginni reynslu af veðráttunni hér á landi þá treysti ég óveðurspám og fer ekki fet ef spáð er stormi á næstu dögum.  

Vonandi gengur bara vel að ná þessu fólki niður af Langjökli.   Og ég bara vona að þau læri af reynslunni og taki mið af veðurspám og líka því að hlánun og rok geta farið fyrr yfir en bjartsýnustu spárnar gera ráð fyrir.  

Ég kaupi ekki mikið af flugeldum en ALLTAF kaupi ég þá af björgunarsveitunum, Maður veit aldrei hvort að þurfi að kalla þá út fyrir mann sjálfan einhvern daginn og mér finnst ágætt að setja smá inneign til vara.

Gleðilegt nýtt ár. 

 

Unnið við erfiðar aðstæður

Athugasemdir

[Helgi Jónsson, 1.1.2008 kl. 03:58]

Gleðilegt nýár og takk fyrir það gamla. Vonandi þurfum við aldrei að taka út hjá björgunarsveitunum, en það er góð tilfinning að "eiga" smá inni þar.

[Hallfríður Jóna Jónsdóttir, 2.1.2008 kl. 21:38]

Takk sömuleiðis Vonandi höfðuð þið það gott um áramótin.

Já alltaf betra að "eiga inni" en skulda.  Og markmiðið er að  þurfa ekki að kalla til björgunarsveit þó að ég reyni að komast eitthvað aðeins meira á fjöll á þessu ári en því síðasta