Ekkert er fegurra en...

Vorkvöld í Reykjavík var einu sinni sungið um.  En mikil ósköp var nú fallegt sólarlagið hérna yfir Krókalónið núna í kvöld.

Já ég er þeirra forréttinda njótandi að hafa sjálfan Snæfellsjökulinn og fjallgarðinn á Snæfellsnesinu í bakgarðinum, eða svo að segja. Purpurarauður í fjarskanum, umvafinn dulúð. Myndin með var tekin fyrr á árinu en sýnir glöggt hvað ég á við.

Almennt séð finnst mér fátt fegurra en sólarlagið á vorin. Kyrrðin og róin sem færist yfir náttúruna er ólýsanleg.   Vona að ég nái fallegu skoti og set það þá inn ásamt fleiri myndum.

En svona í framhjáhlaupi.   Eyþór Ingi eða Arnar?  Ekki vafi í mínum huga hvor er betri.  En hvor á að fá söngvarastöðuna hjá Bubba.  Það er spurning sem verður gaman að fá að sjá svarið við.

Athugasemdir

[Helgi Jónsson, 12.4.2008 kl. 02:17]

Nei það er enginn vafi að Eyþór Ingi er betri söngvari. Sýndi sig best í kvöld að Arnar er ekki eins fjölhæfur. En samt held ég að Arnar henti þessu bandi betur, en þó veit ég það ekki því að þessir menn geta spilað allt