Háþrýstiþvottur

Ég brá mér í búð í gær og keypti þarfaþing húseigandans.  Háþrýstidælu.  Rauða rosa flotta

Svo í eftirmiðdaginn í dag var græjan prufukeyrð á girðingunni hér fyrir framan Nýhöfn.  Gömul steingirðing sem farin var að flagna all verulega.  Margar svona eins steingirðingar hérna á Vesturgötunni.  Græjan virkaði auðvitað eins og hún á að gera svo að frúin hélt náttúrulega áfram og fór að fletta málningu af húsgrunninum.  Húsið er farið að vera ansi skellótt eftir hamaganginn og nú er bara að fara að skoða litasjpjöldin og ákveða hvaða litur hæfir svona fallegu gömlu húsi.  Bárujárnið er líka farið að láta á sjá svo að þar má líka taka til hendinni eftir saltbruna, skrapa upp það ryð sem er komið og menja í sárin í það minnsta þetta sumarið.  Annars er þetta bara eðlilegt viðhald fyrir hús sem byggt var 1924.  Og auðvitað má ekki gleyma að þetta hús fékk viðurkenningu frá Akranesbæ fyrir gott viðhald og uppbyggingu. 

Mér leiðist heldur ekki svona dund.  En ætla að gefa mér tíma til að skoða litaspjöldin vel og taka ákvörðun um litasamspil.  Vanda valið. Ekki gert á hverju ári að mála húsið að utan.

Skellti inn einni mynd af slotinu séð frá garðinum. 

Sonurinn vill mála það rautt, ég er nokkuð sammála honum hafa grunninn í ljósgráum lit og hvíta glugga og hurðir....   Allar tillögur vel þegnar... Bara ekki gult með grænu.... Dóttirin bannar það

Athugasemdir

[Helgi Jónsson, 29.5.2008 kl. 00:46]

Taktu mynd af húsinu og fotosjoppaðu í ýmsum litum, pældu vel í þessu, þú finnur örugglega eitthvað flott út úr því.

[Hallfríður Jóna Jónsdóttir, 29.5.2008 kl. 23:08]

Hehe.... Já ég geri það örugglega þegar ég verð búin að fara marga hringi varðandi litavalið. Ég fer í göngutúra með tíkina og skoða önnur hús í bænum.... Skipti um hugmyndir og skoðanir ansi oft á hverjum göngutúr.