Það bara snjóar

Það byrjaði aðeins að koma snjómugga hérna á Skaganum um kvöldmatarleitið í kvöld.  Svo um klukkan 8 þegar ég fór út með tíkina þá var hvít jörð hérna.  Þetta er nú óttaleg slydda svosem en tekur ekki alveg upp um leið. Gott að vera hætt í þessari keyrslu.

Kisa litla fór út í gærmorgun og hefur ekki komið heim síðan.  Læðuskömmin er að breima og ég var búin að panta tíma hjá dýralækninum í Borgarnesi til að láta gelda hana, ekki mín deild að fara að standa í kettlingum og látum.  En þvílík læti og óhljóð í skepnunni.  Ég hef aldrei verið mikið að spá í hegðun katta en þetta sló öll met í mínum bókum.

Vonandi skilar kisuskömmin hún Stjarna sér í hús.  Núbía er búin að vera ómöguleg yfir þessu.  Þessi dýr eru svo miklir félagar.

Athugasemdir

[Helgi Jónsson, 2.10.2008 kl. 22:52]

Það er líka orðin alhvít jörð hérna á Selfossi, þegar ég var á leiðinni austur varð ég var við smá fukt á heiðinni, ekkert af viti, en síðan þegar ég leit út um 9 leitið var bara farið að snjóa. Óskari Inga fannst þetta mjög merkilegt að sjá. Vonandi skilar kisa sér, hún hlýtur að leita í skjól í snjónum, kettir hafa aldrei verið hrifnir af snjó eftir því sem ég best veit.

[Hallfríður Jóna Jónsdóttir, 2.10.2008 kl. 23:29]

Já við vonum að dýrið skili sér...  Læður að breima eru furðudýr. Og Stjarna er ekki alveg að hegða sér eins og kisa öllu jöfnu svo að þetta kemur allt í ljós