Að vera "nýbúi"

Ég er búin að búa á Akranesi núna í rétt rúman mánuð.  Kann virkilega vel við það og uni hag mínum mjög vel.

En í gærkvöldi upplifði ég það að fara á ball hérna og þekkja varla sálu   Ég og dóttirin skelltum okkur á Okoberfest- uppskeruhátíðina hjá Skagamönnum.  Og í alvöru sagt þá voru þarna 3 aðilar sem ég hef nokkurn tíman talað við.  Og það var vinnutengt eða tengdist fasteignakaupunum mínum.

Við mæðgur skemmtum okkur konunglega, höfðum gaman af þeim sem stóðu vörð um aldurstakmörkin.  En ökuskýrteini dótturinnar var skoðað vel og vandlega, kallaður til annar dyravörður til að úrskurða um hvort að réttur aðili væri á ferð   Mér fannst þarna vel að verki staðið og þegar þau voru búin að úrskurða að þetta gæti staðist, þá sagði ég að þetta væri rétt stelpa enda dóttir mín.
En daman mín ákvað að skella sér í Fjölbrautarskólann hérna á Akranesi til að kynnast krökkunum á staðnum, og ég varð enn ákveðnari í að finna vinnu hér á staðnum bæði til að sleppa við aksturinn í bæinn og eins til að vera ekki "alger nýbúi" lengur en þörf er á. 

Viðbragðsflýtir.

Núna síðasta mánuðinn hef ég tvisvar þurft að sinna "útkalli" dóttur minnar þegar hún hefur lent í árekstrum.  Í annað skiptið var það smávægilegt  þó svo að stærðarmunurinn á bílunum hafi verið mikill.  Það óhapp átti sér stað innan höfuðborgarsvæðisins,þar sem við bjuggum á þeim tíma, og var biðin eftir lögreglunni nokkuð löng. Ég var sem sagt mætt á staðinn um það bil 45 mínútum á undan lögreglunni.   Engin slys urðu á fólki né dýrum svo að það gerði ekkert til nema fyrir atvinnubílstjórann sem var hinn þáttakandinn í óhappinu að hann tafðist við vinnu sína.

Svo í nótt hringdi þessi elska hún dóttir mín í mömmu sína og sagði mér að hún hefði lent í slysi í Hvalfjarðargöngunum þegar hún var að koma heim frá Reykjavík.

Ég stökk auðvitað upp úr rúminu og út í bíl og brunaði af stað út í göng. Á leiðinni fékk ég annað símtal um að hún hefði fengið far hjá strákum sem komu á eftir henni og væri komin upp í veggjaldsskýlið og búin að hringja í lögregluna.  Af augljósum ástæðum var ég AFTUR á undan lögreglunni enda fékk ég kallið fyrst.  Í þetta skiptið virðist sem það hafi sprungið að framan hjá stelpunni og hún endasentist yfir akgreinarnar og eftir gangnavegginum hinu megin, stórskemmdi bílinn sinn.   Hún meiddist ekkert og Akranes lögreglan var nokkuð fljót á staðinn og við mæðgurnar fórum niður í göngin í fylgd þeirra til að skoða og hún að gefa skýrslu um málið. Bíllinn var svo dreginn upp á pall á viðeigandi bifreið og fluttur til geymslu "úr umferð".

Mig langar til að þakka þessum strákum sem komu á vettvang fyrir að skutla stelpunni sem var í sjokki yfir slysinu upp úr göngunum og eins lögreglunni hérna á Akranesi fyrir fagleg vinnubrögð og þægilega framkomu við stelpuna.

Núna vonum við bara að þessu "klessu" tímabili fari að ljúka og hún verði aftur tjónlaus ökumaður eins og hún hafði verið fyrsta árið og rúmlega það. 

 

 

Jú er þetta ekki bara...

Bráðsniðug hugmynd hjá alþingismönnunum okkar.

Lækka bara gjöldin sem mest og lofa svo þessum elskum að njóta þess í vinnunni....Kannski þá færu að koma alvöru tillögur um  lækkanir sem kæmu öllum vel.  

Pólitísk samstaða um lækkun áfengisverðs

Góðar fréttir

Frábær árangur í baráttunni gegn þessum hræðilega sjúkdómi sem krabbamein er.

Bóluefni gegn leghálskrabbameini fær samþykki Evrópsku lyfjastofnunarinnar

Blessað dómskerfið!!!

Þetta er nú alveg til fyrirmyndar... Matarstuldur = þriggja mánaða fangelsi.   En ef þú flytur inn dóp, nauðgar eða stefnir lífi í voða á einhvern annan hátt þá geturðu sloppið með skilorð. Toppurinn á réttlætinu náð? eða hvað.

Þriggja mánaða fangelsi fyrir búðarhnupl

Vesalings konan.

Jahérna margt er að varast á göngustígum borgarinnar. Sjálf fer ég oft þarna um bæði gangandi, á línuskautum og hjólandi.  Þarna er að vísu ansi torfært fyrir línuskautana á köflum eftir hamagang sjávar í vetur. Gott framtak hjá hjólreiðamanninum að hringja á slökkviliðið. Samúð mín er með konunni en ég gæti trúað að það að sjá fæturnar eina saman standa upp úr grjótinu hafi verið skondin sjón.

Kona föst í gjótu í brimgarðinum við Ánanaust

Gott framtak

Þetta er mjög gott framtak.  Við eigum fá en sumhver mjög falleg hús frá þessum tíma. Um að gera að lofa fólki að njóta þeirra í hlutverki safna frekar en öldurhúsa, sem er sorglega algengt í gamla bænum.

Uppbyggingu elsta húss miðborgar Reykjavíkur lokið

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.